Euskara batuak euskararen bilakaeran iragan hamarraldietan izan duen garrantzia nabarmentze aldera, “batasunaren bidean” ekarpena egin zuten hamabost lagunen lana goraipatuko da, eta omenaldia egingo zaie.

Besteak beste, Giza kate bat egingo da: Orereta-Errenterian Zumarditik abiatu, eta Donostiara helduko da, Parte Zaharrera. 8.000 lagun inguruk bat egingo dute bidea osatzeko.

Bidea hamabost zatitan banatuko da (omenduko diren 15 gizon-emakumeen zatiak izango dira) eta hala nahi duen herritar orok parte hartu ahal izango du. Gipuzkoako eta Euskal Herriko Ikastolek bat egin dute ekimenarekin.