Garatu zure proiektuak
Argazkigintzan eta edizioan aurretiazko ezagutzak dituzten pertsonei zuzendua. Tailer honek denbora faltagatik askotan airean geratzen diren proiektu horiek praktikara eraman nahi ditu: familiako argazki zaharren moldaketa, fotoalbumak sortzea edo fotobideoak garatzea beharrezko aholkularitzarekin.
Hastapen ikastaroa
Tailer honetan argazkigintza digitalaren bi zutabe nagusiak erakutsi nahi dira: kameraren erabilera eta argazkien edizioa. Hautapen-tresnak ikasten hasiko dira, gero moldaketak egiten ikasteko, eta, amaitzeko, doikuntza-tresnak eta geruzak erabiliko dira.
Ikastaro aurreratua
Argazkigintzako eta edizioko oinarrizko ezagutzak behar dira. Ikastaro honetan sakonduko da kameraren erabileran, eskuzko modua nabarmenduz eta edizio-tresnetan. Tailer hau osatzeko estudioko saioak egingo dira eta fotobideoren bat muntatuko da.
Analogikora itzulera (laborategia zuri-beltzean)
Ikastaro honetan zuri-beltzeko argazkigintzaren oinarrizko ezagutzak ikasiko dituzu; negatiboak errebelatzea, lehen kopiak, handitzeak, etab.
Estudioko argazkigintza
Estudioko oinarrizko argiztapenak eta kontraargiak egiten ikasiko da, argi ikusgarriekin amaituz. Argiztapen-eskema asko dauden arren, ikastaroaren ardatza eskema sinpleak izango dira, baliabide askoren beharrik gabe eta neurri batean espazio pribatura eraman ahal izateko.
Argazkigintza mugikorrarekin
Beti telefono mugikor bat eramatearen abantailetako bat da edozein unetan argazkiak ateratzeko aukera ematen duela da. Ahalik eta etekin handiena ateratzen ikastea izango da ikasturte honetako helburu nagusietako bat. Kamera-aukerak doitzen irakatsiko da, eta, horrez gain, «Pro» modua eta argazkiak doako APPS desberdinekin lantzen ikasiko da.
