Orereta Ikastolako LH5. mailako ikasleek, Ann Weber artista estatubatuarraren lana oinarri hartuta sortu dituzten eskulturak aurkituko ditugu erakusketan. Bitxia da Weberrek eskulturak sortzeko erabiltzen duen materiala eta teknika, kartoi zatiak grapatuz osatzen baititu neurri eta bolumen handiko formak dituzten artelanak. Modu honetan sortu dituzte ikasleek euren eskulturak. Adierazi nahi izan duten horren inguruko bozetoak egin, formak defintitu eta talde lanean gauzatu dituzte "Ann Weberren BIDEZIDORRETIK" erakusketa honetan ikus daitezkeen lanak. 

Xenplear Etxearen ordutegian – Astelehenetik larunbatera: 17:00-20:00