OzZinema zineklubaren eskutik, Orereta Ikastolak, Kilometroak 23ren urteko ekintza-programaren baitan, Euskaldunon Egunkariaren itxieraren 20. urteurrenaren karietara, aste osoko egitaraua antolatu du. Josu Martinez eta Samara Velteren Paperezko Hegoak dokumentala ikusteko, Egunkariaren itxiera lehen pertsonan bizi izan zuten protagonisten testigantzak jasotzen dituen dokumentala, eta inputatuekin solasean aritzeko aukera izango da otsailaren 22an Niessen aretoan, 19:00etatik aurrera.