MATRIKULAZIOA 2023-2024 IKASTURTEA
Epea
2023ko irailaren 4tik 15era.
Bigarren lauhileko ikastaroen matrikula egiteko epea 2023ko otsailaren 9ra zabalik egongo da.
Matrikulatzeko modua
Online: irailak 4-15 HEMEN
(Irailaren 4ean 10:00etan aktibatuko da eta 15an 22:00etan eten egingo da).
Presentziala: irailak 11-15. ZU! Zure Udala (Herriko enparantza, z/g). Aurretiko hitzordua irailaren 7etik 15era 943449600 / 010 telefonoan
ORDAINKETA
Zenbat ordaindu behar dut?
Urteko ikastaroak
- 6 ordu/astean 203,40€
- 5 ordu/astean 197,67€
- 4 ordu/astean 158,13€
- 3 ordu/astean 152,40€
- 2,5 ordu/astean 144,99€
- 2 ordu/astean 137,59€
Lauhileko ikastaroak
- 6 ordu/astean 101,69€
- 5 ordu/astean 98,83€
- 4 ordu/astean 79,06€
- 3 ordu/astean 60,99€
- 2 ordu/astean 53,87€
Matrikula tasak norberaren gaitasun ekonomikoaren arabera egokitu daitezke. Horretarako eskaera egin behar da. Presentzialki ZU! Arreta Zerbitzuan edo online HEMEN.
Nola ordainduko dut matrikula?
Banku-helbideraketa bidez ordainduko da. Horretarako kontuaren titulartasun agiria aurkeztu beharko da.
Zein kasutan itzultzen da matrikula?
Matrikula itzuliko da ikastaroa bertan behera geratzen bada.
Urteko ikastaroetan matrikula itzultzea eskatu ahal izango da 2023eko abenduaren 1a arte idatziz, kasu horretan ez da ordaindu beharko bigarren epeko kuota. Hala ere, lehenengo kuotari dagokion tasa ez da inondik inora itzuliko.
Data horretatik aurrera matrikula baliogabetzea ezinezkoa izango da eta kuota osoa ordaindu beharko da.
Zer ez da sartzen matrikula tasan?
Materiala eta lanabes pertsonalak ez daude ordaindutako zenbatekoan.
Matrikula bat baino gehiago egiteak deskonturik du?
Ikastaro batean baino gehiagotan matrikulatzeak ez du bonifikaziorik. Dagokion tasa ordaindu beharko da.
IKASTAROAK
Zein iraupen dute?
Ikasturtea urritik ekainera izaten da. Bigarren lauhilekoa 2024ko otsailaren 19an hasiko da. 2023-2024 ikasturteko egutegia hemen kontsultagarri.
Zenbat matrikula egin ditzaket?
Ikastaro berdinean ordu edo egun ezberdinetarako 2 izen-emate egin daitezke gehienez, baina bakarra esleituko da.
Gainontzean ez dago matrikula kopuru mugarik.
Ikastaroa hasi bada, matrikulatu naiteke?
Matrikulazio epea gainditu bada ere, ikastaroaren ezaugarrien arabera eta plaza libreak badaude izena eman ahal izango da presentzialki.
Matrikula egin badut, onartua izan naizela esan nahi du?
Ez, plazen esleipena zozketa bidez egingo da eskaera kopurua plaza kopurua baino handiagoa den ikastaroetan. Izen-emateak, beraz, ez du plaza bermatzen. Eskaera bakoitzari ID zenbaki bat (kodea) esleituko zaio zozketan parte hartzeko.
Noiz jakingo dut onartua izan naizen?
Zozketen behin-behineko emaitzak 2023ko irailaren 20an jakinaraziko dira posta elektronikoz, kultura.errenteria.eus web orrian eta, presentzialki, Lekuona Fabrikan egokituko diren euskarrietan. 2023Ko irailaren 28an behin betiko zerrendak argitaratuko dira.
Esleitu zaidan plazari uko egin nahi badiot?
Behin behinean esleitutako ikastaroetan uko egiteko epea 2023ko irailaren 24a arte izango da. Epe hau gaindituta, lehen helbideraketa egingo da eta ezingo zaio eslekitutako ikastaroari uko egin. Ikastaro bati uko egiteko web-orrian eta presentzialki Lekuona Fabrikan egin ahal izango da. Beti idatziz, aurkeztu beharko da.
Zein mailatakoak izaten dira ikastaroak?
Ikastaro eta tailerretan parte hartzeko eskatzen den ezagutza maila ikastaro bakoitzaren deskribapenean zehazten da.
Zein kasutan gera daiteke bertan behera ikastaro bat?
Ikastaroak bertan behera gelditu ahalko dira gutxieneko 4 izen-emateetara iristen ez badira edo gerora sortutako beste arrazoiren batengatik.
ATZERA